18 ára aldurstakmark í ljósabekki í Garði?
Yngri en 18 ára eiga ekki erindi í ljósabekki íþróttamiðstöðvarinnar í Garði verði tillaga íþrótta-, tómstunda- og æskulýðsnefndar Sveitarfélagsins Garðs samþykkt. Nefndin leggur tillögu fyrir bæjarráð þess efnis að aldurstakmarkið verið sett á notkun ljósabekkja.
Nefndin vill hins vegar auglýsa betur önnur tilboð fyrir þennan aldurshóp, eins og til dæmis þreksal íþróttamiðstöðvarinnar.
