1000 styðja lögreglustjóra á Facebook

Stuðningsmenn Jóhanns R. Benediktssonar, lögreglustjóra á Suðurnesjum, nálgast óðfluga 1000. Aðeins vantaði 9 einstaklinga upp á að þeir yrðu eittþúsund. Fjölmargir láta einnig skoðun sína í ljós með athugasemdum inni á stuðningssíðu við Jóhann.

Jóhann R. Benediktsson hefur boðað alla starfsmenn sína til fundar á morgun, miðvikudag, þar sem má vænta stórra tíðinda, án þess að Jóhann hafi í samtali við Víkurfréttir vilja staðfesta hver þau væru.
Sem kunnugt er af fréttum hefur dómsmálaráðherra ákveðið að auglýsa starf lögreglustjórans á Suðurnesjum laust til umsóknar. Greina má mikla undirliggjandi óánægju um öll Suðurnesin vegna þessarar ákvörðunar Björns Bjarnasonar, dómsmálaráðherra. Stórn Lögreglufélags Suðurnesja hefur ályktað um málið.