1000 manns komust frá Keflavík til Þrándheims

Um 1000 farþegar flugu í dag með Icelandair og IcelandExpress frá Keflavík til Þrándheims í Noregi. Öskudreifingarspá gerir ráð fyrir að hægt verði að fljúga til fleiri Norðurlanda í fyrramálið en samkvæmt nýjustu fréttum verður ekki flogið á Bretlandseyjar.

Eru farþegar hvattir til að fylgjast með komu- og brottfarartímum á textavarpi og á vefsíðum Icelandair og Iceland  Express.

Meðfylgjandi ljósmyndir tók Hilmar Bragi, ljósmyndari Víkurfrétta í Leifsstöð nú síðdegis þegar innritað var í flug til Þrándheims.

Mynd: Franska handboltalandsliðið flaug m.a. frá Keflavík til Þrándheims í Noregi nú síðdegis. Ljósmyndir: Hilmar Bragi