Þróttmiklar konur í Kvenfélagi Keflavíkur

Nú er Kvenfélag Keflavíkur  að líða inn í sína vetrarstarfsemi. Verið er að undirbúa starfsárið sem er fjölþætt að venju, verkefni þess og skyldur. Þá meina ég skyldur við þegna vora, því Kvenfélögin í landinu eru jú líknarfélög. Nú kalla konur á konur til verka og er fyrsti fundur Kvenfélags Keflavíkur á þessum vetri, mánudaginn 7. október  kl. 20.00 í húsi Rauða krossins að Smiðjuvöllum 6 Reykjanesbæ.

Á fundinum verður meðal annars kynnt og sýnd skartgripagerð og fá konur að spreyta sig.  Allar konur eru velkomnar og vonum við Kvenfélagskonur að það eigi eftir að fjölga  konum í Kvenfélaginu í vetur og konur á svæðinu sjái sig í hinu veigamikla hlutverki kvenfélagskonunnar.

Með von um framtakssaman vetur.

Sumarrós Hildur Ragnarsdóttir, stjórnarkona.