Svar við opnu bréfi til Reykjanesbæjar

Guðrún Þorsteinsdóttir, starfsþróunarstjóri Reykjanesbæjar, hefur sent Víkurfréttum svar við opnu bréfi frá áhyggjufullri móður, sem birtist hér á vf.is í gær. Svar Guðrúnar er hér að neðan:

Vísað er í tölvupóst yðar frá 29. maí varðandi ráðningar í auglýst starf við námsmannaátak Reykjanesbæjar og Vinnumálastofnunar. Hjálagður er rökstuðningur fyrir ráðningunum sbr. 21. gr. stjórnsýslulaga nr. 37/1993.

Reykjanesbær sótti um störf í gegnum námsmannaátak Vinnumálastofnunar fyrir 40 nemendur (það myndi skapa 80 nemendum störf hverju í 4 vikur) og fékk úthlutað 27 störfum. Þeim störfum þurfti að skipta niður á sviðin og voru þau auglýst á vef Reykjanesbæjar.

Umsækjendur um þessi störf voru um 90 nemendur.
 
Þessi störf eru viðbót við Vinnuskólann þar sem tekið er á móti öllum umsækjendum í 8. 9. og 10. bekk grunnskóla og garðyrkjudeildarinnar þar sem ráðnir voru 25 ungmenni á aldrinum 17 - 20 ára.
 
Á undanförnum árum hefur Reykjanesbær óskað eftir 250 störfum í gegnum námsmannaátak Vinnumálastofnunar á hverju sumri og höfum við fengið úthlutað tæplega 30 störfum hverju sinni en von okkar er að fá fleiri störf við úthlutun Vinnumálastofnunar.  

Með kveðju
Guðrún Þorsteinsdóttir,
starfsþróunarstjóri.