Opið prófkjör hjá Samfylkingu í Reykjanesbæ

Samfylkingin í Reykjanesbæ efnir til opins prófkjörs laugardaginn 23. febrúar 2002 til að ákvarða lista fyrir bæjarstjórnarkosningarnar 25. maí 2002. Kosningarétt í prófkjörinu hafa allir íbúar Reykjanesbæjar 18 ára og eldri ásamt þeim félögum Samfylkingarinnar í Reykjanesbæ sem eru 16-18 ára. Fimm efstu sæti í prófkjörinu verða bindandi.Rétt til þess að bjóða sig fram hafa allir íbúar Reykjanesbæjar sem eru á kjörskrá og eru skráðir félagar í Samfylkingunni í Reykjanesbæ.
Frestur til þess að skila inn framboðum rennur út 27. janúar 2002. Framboðin skulu afhent kjörnefnd að Hafnargötu 26, Reykjanesbæ.