Breytinga er þörf!
Þann 25. maí næstkomandi verður kosið um það hverjir fara með stjórnartaumana í bæjarstjórn Reykjanesbæjar næstu fjögur árin. Núverandi meirihluti hefur nú setið í átta ár með vægast sagt slökum árangri. Við þessi tímamót er ekki annað hægt en að segja að nú sé kominn tími til að breyta og hleypa nýjum aðilum að, segir Brynjar Harðarson í grein í Víkurfréttum í dag. Tossalisti núverandi meirihluta er langur og hægt að skrifa margar greinar um slæm verk og ákvarðanir hans.
Það er ekki ætlunin með þessari grein. Ég mun vonandi fá tækifæri til þess síðar. En ég vil gera mitt til þess að koma þessum meirihluta frá. Þess vegna hef ég ákveðið að bjóða mig fram í prófkjöri Samfylkingarinnar 23. febrúar næstkomandi og með þessari grein leita ég stuðnings til þess að ná sæti sem gæfi mér möguleika á því. Ég hef mikinn áhuga á að stuðla að breytingum til hagsbóta fyrir bæjarbúa og tel ekki vanþörf á, því núverandi meirihluti hefur ekki staðið sig í þjónustu og stuðning við íbúa Reykjanesbæjar. Því tel ég nauðsynlegt fyrir framþróun og eflingu bæjarins að skipt verði um stjórnendur og til þess höfum við tækifæri í maí.
Nýjar áherslur.
Ég vil leggja meiri áherslu á menningarmál til þess að gera Reykjanesbæ samkeppnishæfan og fýsilegan kost til búsetu fyrir okkur íbúana sem og fólk annars staðar frá sem eru að flytja búferlum. Styrkja þarf verulega þá aðila sem stunda menningarlega iðju, s.s leikfélagið, kórana o.s.frv. Setja þarf kraft í uppbyggingu Duus húsanna og koma Byggðasafninu þar fyrir. Bókasafn Reykjanesbæjar þarf framtíðar húsnæði og sama má segja um Listasafn. Ég hef hugmyndir um byggingu safna-, menningar-, ráðstefnu- og tónlistarhúss sem væri vel staðsett á svæðinu milli Keflavíkur og Njarðvíkur (Samkaupssvæðið), til að leysa þann vanda. Þar yrði Reykjanesbær einnig með alla sína starfsemi. Gera þarf stórt átak til þess að laða hingað að fyrirtæki og stofnanir. Flugrekstrarfélög ættu að vera hér með sínar höfuðstöðvar, flugmálastjórn og allt annað sem tengist flugi enda munum við berjast fyrir því að innanlandsflugið verði fært til Keflavíkur.
Ég hef áður minnst á, í grein í Bæjarmálum, að ég vil sjá íþróttaskor Kennaraháskóla Íslands flutt til Reykjanesbæjar. Orkustofnun og allt nám er tengist orkunýtingu og jarðfræði á vel heima hér í bæ. Að mínu mati yrði flutningur námsdeilda á háskólastigi eitthvert mesta gæfuspor sem stigið yrði í eflingu bæjarfélagsins.
Sitt lítið af hverju.
Það þarf stór átak í íþróttamálum bæði hvað varðar að jafna aðstöðu íþróttafélaganna til iðkunar sinna greina sem og að tryggja fjárhagslegan grundvöll þeirra en eins og allir vita eru íþróttafélögin mörg hver í miklum fjárhagslegum þrengingum. Samvinna um heimavist við Fjölbrautaskóla Suðurnesja mun laða hingað að efnilegasta íþróttafólk landsins sem yrði til þess að foreldrar þeirra flyttu hingað líka.
Þrátt fyrir mikið verk í skólamálum á undanförnum árum þarf að setja meiri stuðning í innra starfið, það er ekki nóg að reisa dýrar byggingar en setja svo takmarkað fjármagn í innra starf skólanna. Klúðrið með skólahverfin er vel þekkt. Vegna þess horfum við upp á mikinn mun á fjölda barna í skólunum og þar af leiðandi mun á fjölda barna í bekkjum sem verður að teljast slæmt. Það er of seint að mínu mati að hrófla mikið við skólahverfunum eins og málin standa í dag en af þessu má draga heilmikinn lærdóm og í framtíðinni verður að koma í veg fyrir að svona klúður gerist aftur. Þetta kennir okkur að skipuleggja verður heil hverfi með skólabyggingu sem miðpunkt. Endalausar viðbyggingar eru hvimleiðar og því verður að linna.
Ferðamál eru ofarlega í mínum huga og tel ég Reykjanesbæ hafa verið sofandi í þeim málaflokki. Þrátt fyrir það jarðfræðiundur sem við eigum á hér Reykjanesinu er ekki hægt að segja að hér sé allt morandi í ferðamönnum . Að mínu mati eru miklir sóknarmöguleikar í ferðaþjónustu á svæðinu og Reykjanesbær þarf að koma verulega til móts við þá dugmiklu aðila sem starfa í þessari grein hér í bæ til þess að fjölga hér ferðamönnum, bæði íslenskum og erlendum, allt árið um kring.
Það þarf að taka skipulagsmálin til rækilegrar endurskoðunar. Alla lausung í því efni þarf að uppræta. Að mínu mati er fullt af spennandi byggingarsvæðum til í Reykjanesbæ sem þarf bara að skipuleggja og úthluta.
Þetta er aðeins brot af því sem að ég vil sjá gerast næstu árin og vissulega er hér um langtíma verkefni að ræða sem ég hef fullan hug á að vinna að fái ég til þess umboð. Ég tel mig hafa fullt erindi í bæjarstjórn Reykjanesbæjar og er tilbúinn að leggja hart að mér til þess að vinna fyrir bæjarbúa.
Ég hvet þig, lesandi góður, til þess að taka þátt í prófkjöri
Samfylkingarinnar 23. febrúar og bið um stuðning þinn í því.
Brynjar Harðarson.
Það er ekki ætlunin með þessari grein. Ég mun vonandi fá tækifæri til þess síðar. En ég vil gera mitt til þess að koma þessum meirihluta frá. Þess vegna hef ég ákveðið að bjóða mig fram í prófkjöri Samfylkingarinnar 23. febrúar næstkomandi og með þessari grein leita ég stuðnings til þess að ná sæti sem gæfi mér möguleika á því. Ég hef mikinn áhuga á að stuðla að breytingum til hagsbóta fyrir bæjarbúa og tel ekki vanþörf á, því núverandi meirihluti hefur ekki staðið sig í þjónustu og stuðning við íbúa Reykjanesbæjar. Því tel ég nauðsynlegt fyrir framþróun og eflingu bæjarins að skipt verði um stjórnendur og til þess höfum við tækifæri í maí.
Nýjar áherslur.
Ég vil leggja meiri áherslu á menningarmál til þess að gera Reykjanesbæ samkeppnishæfan og fýsilegan kost til búsetu fyrir okkur íbúana sem og fólk annars staðar frá sem eru að flytja búferlum. Styrkja þarf verulega þá aðila sem stunda menningarlega iðju, s.s leikfélagið, kórana o.s.frv. Setja þarf kraft í uppbyggingu Duus húsanna og koma Byggðasafninu þar fyrir. Bókasafn Reykjanesbæjar þarf framtíðar húsnæði og sama má segja um Listasafn. Ég hef hugmyndir um byggingu safna-, menningar-, ráðstefnu- og tónlistarhúss sem væri vel staðsett á svæðinu milli Keflavíkur og Njarðvíkur (Samkaupssvæðið), til að leysa þann vanda. Þar yrði Reykjanesbær einnig með alla sína starfsemi. Gera þarf stórt átak til þess að laða hingað að fyrirtæki og stofnanir. Flugrekstrarfélög ættu að vera hér með sínar höfuðstöðvar, flugmálastjórn og allt annað sem tengist flugi enda munum við berjast fyrir því að innanlandsflugið verði fært til Keflavíkur.
Ég hef áður minnst á, í grein í Bæjarmálum, að ég vil sjá íþróttaskor Kennaraháskóla Íslands flutt til Reykjanesbæjar. Orkustofnun og allt nám er tengist orkunýtingu og jarðfræði á vel heima hér í bæ. Að mínu mati yrði flutningur námsdeilda á háskólastigi eitthvert mesta gæfuspor sem stigið yrði í eflingu bæjarfélagsins.
Sitt lítið af hverju.
Það þarf stór átak í íþróttamálum bæði hvað varðar að jafna aðstöðu íþróttafélaganna til iðkunar sinna greina sem og að tryggja fjárhagslegan grundvöll þeirra en eins og allir vita eru íþróttafélögin mörg hver í miklum fjárhagslegum þrengingum. Samvinna um heimavist við Fjölbrautaskóla Suðurnesja mun laða hingað að efnilegasta íþróttafólk landsins sem yrði til þess að foreldrar þeirra flyttu hingað líka.
Þrátt fyrir mikið verk í skólamálum á undanförnum árum þarf að setja meiri stuðning í innra starfið, það er ekki nóg að reisa dýrar byggingar en setja svo takmarkað fjármagn í innra starf skólanna. Klúðrið með skólahverfin er vel þekkt. Vegna þess horfum við upp á mikinn mun á fjölda barna í skólunum og þar af leiðandi mun á fjölda barna í bekkjum sem verður að teljast slæmt. Það er of seint að mínu mati að hrófla mikið við skólahverfunum eins og málin standa í dag en af þessu má draga heilmikinn lærdóm og í framtíðinni verður að koma í veg fyrir að svona klúður gerist aftur. Þetta kennir okkur að skipuleggja verður heil hverfi með skólabyggingu sem miðpunkt. Endalausar viðbyggingar eru hvimleiðar og því verður að linna.
Ferðamál eru ofarlega í mínum huga og tel ég Reykjanesbæ hafa verið sofandi í þeim málaflokki. Þrátt fyrir það jarðfræðiundur sem við eigum á hér Reykjanesinu er ekki hægt að segja að hér sé allt morandi í ferðamönnum . Að mínu mati eru miklir sóknarmöguleikar í ferðaþjónustu á svæðinu og Reykjanesbær þarf að koma verulega til móts við þá dugmiklu aðila sem starfa í þessari grein hér í bæ til þess að fjölga hér ferðamönnum, bæði íslenskum og erlendum, allt árið um kring.
Það þarf að taka skipulagsmálin til rækilegrar endurskoðunar. Alla lausung í því efni þarf að uppræta. Að mínu mati er fullt af spennandi byggingarsvæðum til í Reykjanesbæ sem þarf bara að skipuleggja og úthluta.
Þetta er aðeins brot af því sem að ég vil sjá gerast næstu árin og vissulega er hér um langtíma verkefni að ræða sem ég hef fullan hug á að vinna að fái ég til þess umboð. Ég tel mig hafa fullt erindi í bæjarstjórn Reykjanesbæjar og er tilbúinn að leggja hart að mér til þess að vinna fyrir bæjarbúa.
Ég hvet þig, lesandi góður, til þess að taka þátt í prófkjöri
Samfylkingarinnar 23. febrúar og bið um stuðning þinn í því.
Brynjar Harðarson.
