Tónlistin hljómaði og sólin ljómaði í bíósal DUUS

Fimmtudaginn 14. júlí komu þær söngkonur Alexandra Chernyshova og Svafa Þórhallsdóttir ásamt píanóleikaranum Gróu Hreinsdóttur fram í Bíósal DUUS og fylltu áheyrendur gleði og sælu með tónlist sinni. Flutt voru íslensk sönglög, úkraínsk þjóðlög, dönsk og frönsk dægurlög ásamt þekktum aríum og dúettum úr óperuheiminum. Áheyrendur kunnu vel að meta fjölbreytnina og var auðséð að þarna fór fram töfrandi gjörningur er endurnærði líkama og sál. Frábær flutningur með góðri staðsetningu við hafið þar sem sól logaði á himni.