Miðflokkurinn
Miðflokkurinn

Mannlíf

Sólveig Dagmar sýnir DJÚPIÐ í Saltfisksetrinu
Mánudagur 31. ágúst 2009 kl. 14:16

Sólveig Dagmar sýnir DJÚPIÐ í Saltfisksetrinu


Sólveig Dagmar Þórisdóttir opnaði um helgina yfirlitssýningu sína DJÚPIÐ í Saltfisksetrinu í Grindavík. Þar verða til sýnis nokkur helstu málverk Sólveigar, sem hafa verið unnin undanfarin misseri.  Verkin veita innsýn í hugarheim listamannsins og eru flest unnin með olíu.

Sólveig Dagmar er fædd í Reykjavík árið 1960. Hún stundaði nám í grafískri hönnun við Listaháskóla Íslands og síðan meistaranám í hagnýtri menningarmiðlun við Hugvísindadeild Háskóla Íslands. Sólveig hefur flest sín ár starfað á Íslandi, meðal annars við málun. Málverkið hefur því alltaf verið ofarlega í huga listamannsins.  Í dag starfar Sólveig  m.a. sem myndlistamaður á Korpúlfsstöðum í Reykjavík og er meðlimur í Korpart listhópnum.

Sólveig vakti athygli meðal annars fyrir ljósmynda- og gjörningasýninguna För Hersins, sem sýnd var í Þjóðarbókhlöðuni í byrjun árs 2008.  Þar leitaðist hún við að fá sýningargesti til að tjá sig á fjóra striga, um veru og för hersins á Miðnesheiði. Vakti sýningin mikla athygli landsmanna. Sú sýning  var síðan sett upp í Bíósalnum í Duushúsum í Reykjanesbæ sama ár. Sólveig hefur einnig sýnt í Þjóðminjasafninu í Reykjavík.
Þetta er í fyrsta sinn sem Sólveig setur upp yfirlitssýningu sem sýna hluta af málverkum hennar.  Sýningin stendur til 17. september nk.  Opið er frá 11.00 til 18.00.

Viðreisn
Viðreisn