Blik í auga
Blik í auga

Mannlíf

Missi aldrei af þáttunum mínum Með okkar augum
Föstudagur 28. ágúst 2020 kl. 09:30

Missi aldrei af þáttunum mínum Með okkar augum

Magnús Orri Arnarson er átján ára gamall, að verða nítján núna í september. Magnús vinnur við sjónvarps- og kvikmyndagerð og er einnig að starfa sem fimleikaþjálfari og stuðningsfulltrúi á skammtímavistun. Hann starfar í björgunarsveit og hefur mikinn áhuga á lögreglustörfum ásamt því sem kvikmyndagerð á hug hans allan. Magnús Orri svaraði nokkrum spurningum í Netspjalli við Víkurfréttir.

– Nafn:

Magnús Orri Arnarson.

– Árgangur:

2001.

– Búseta:

Garður, Suðurnesjabær.

– Hverra manna ertu og hvar upp alin?

Ég bý með fjölskyldu minni og einum yndislegum hundi sem heitir Gloría. Ég er ættleiddur frá Kalkútta á Indlandi og hef búið á Íslandi frá því ég var hálfs mánaða gamall og tala fulla íslensku.

– Hvert var ferðinni heitið í sumarfrínu?

Ferðin var heitin á nokkra staði, t.d á Vík í Mýrdal þar sem við, sjónvarpshópurinn Með okkar augum, vorum að taka þar upp og skelltum okkur einnig í zipline sem var bara heví gaman.

– Skipulagðir þú sumarfríið fyrirfram eða var það látið ráðast af veðri?

Að mestu leiti voru ferðir skipulagðar eftir verði og hvenær -upptökur gátu hafist á ný vegna Covid-19.

– Hvaða staður fannst þér áhugaverðast að heimsækja í sumar?

Akureyri og Vík í Mýrdal.

– Hvað kom skemmtilega á óvart í sumar?

Hvað allir voru hamingjusamir og kurteisir á þeim stöðum sem við vorum á.

– Áttu þér uppáhaldsstað til að sækja heim innanlands?

Já, Akureyri City allan daginn, förum alltaf þangað um versló.

– Ætlar þú að ferðast eitthvað meira innanlands á næstunni?

Nei, ekki eins og er en hver veit að maður fari eitthvað með Björgunarsveitinni eða bara í tökum í vetur :-)

– Hvert er þitt helsta áhugamál?

Kvikmyndagerð er mitt helsta og skemmtilegasta áhugamál en ég hef mikinn áhuga á björgunarsveit, fimleikum og fimleikaþjálfun.

– Hvernig slakarðu á?

Ég slaka yfireitt aldrei á, ég er alltaf að vinna. Á sumrin er ég í tökum alla daga til kl. 17 og svo að klippa til u.þ.b. eitt eða tvö á kvöldin, á veturnar er ég að þjálfa og æfa eftir skóla og langt fram á kvöld.

– Hvaða matur er í uppáhaldi hjá þér?

Minn uppháhaldsmatur hlýtur að vera mexíkósk kjúklingasúpa að hætti mömmu.

– Hvaða tónlist fær þig til að sperra eyrun þessa dagana?

Ummm ... ég er voða mikið að hlusta þessa dagana á tónlist sem var í Eurovision-myndinni og svo fíla ég mikla stuðtónlist og nota það voða mikið í klippum sem ég klippi. Svo er eg stundum á búa sjálfur til tónlist fyrir RÚV og svona.

– Horfirðu mikið á sjónvarp og hvernig?

Ég er núna búinn að horfa mikið á Stöð 2 maraþon á bara allskonar þætti.

– Hverju missirðu helst ekki af í sjónvarpinu?

Ég missi aldrei af þáttunum mínum Með okkar augum.

– Besta kvikmyndin?

Besta kvikmyndin heitir Wonder sem kom  út árið 2017.

– Hver er uppáhaldsbókin þín?

Ætli hún sé bara Morgunblaðið? NEI DJÓK!

– Hvað fer mest í taugarnar á þér?

Mesta sem fer í taugarnar á mér þegar klippiforritið „krassar“ og ég gleymdi að vista, þá verð ég ekki glaður.

HAHAHA ...

– Uppáhaldsmálsháttur eða -tilvitnun:

Fatlaðir geta ekki breytt því hvernig þeir eru en kannski getum við breytt hvernig við sjáum.

– Orð eða frasi sem þú notar of mikið:

„Þetta er ein stór VEIZLA,“ er það sem ég nota eiginlega of mikið.

– Hver væri titillinn á ævisögu þinni?

„Hjálpsamur og kurteis“.

– Hver er tilfinning þín fyrir haustinu og komandi vetri?

Ég vona að allir muni njóta komandi tíðar sem er að koma þrátt fyrir covid og hlýði fyrirmælum landlæknis og almannavarna.

– Hver er besti brandari sem þú hefur heyrt nýlega?

Besti brandarinn er að ég labbaði á ljósastaur í miðjum tökum með u.þ.b. sex kílóa myndavél á mér og það skemmtilega við það að er að það náðist á mynd.

Sjáið myndasafn hér að neðan.

Ferðast innanlands með Magnúsi Orra