Mannfjöldi á þrettánda í Reykjanesbæ

Þátttaka í hátíðarhöldum á þrettándanum í Reykjanesbæ hefur sjaldan verið eins mikil og í ár. Mannfjöldi safnaðist saman við Hafnargötuna í Keflavík til að kveðja jólin en auk bæjarbúa voru þarna álfar, tröll og púkar.

 

Áður en formleg dagskrá hófst við Hafnargötu var bæjarbúum boðið að taka þátt í luktarsmiðju í Myllubakkaskóla og þaðan fór einnig fjölmenn skrúðganga undir forystu álfadrottningar og álfakonungs. Herlegheitunum lauk svo með fallegri flugeldasýningu sem þó var í styttri kantinum þetta árið. 

 

Meðfylgjandi myndir tók ljósmyndari Víkurfrétta, Hilmar Bragi Bárðarson. Fleiri myndir í Víkurfréttum í þessari viku.