bygg 1170
bygg 1170

Mannlíf

Fékk To be greatful í staðin fyrir pabbaknús
Páll Ketilsson
Páll Ketilsson skrifar
sunnudaginn 29. mars 2020 kl. 13:35

Fékk To be greatful í staðin fyrir pabbaknús

Margrét Gauja Magnúsdóttir fékk fallega kveðju frá Magnúsi Kjartanssyni, föður sínum, sem hún hefur ekki hitt í nokkrar vikur og er ekki á leiðinni að hitta hann vegna Covid-19. Í stað þess að fá pabbaknús sem hún saknar og segist að geti verið eitthað í að verði, söng Magnús eitt af sínum þekktari lögum sem Trúbrot flutti á sínum tíma, To be greatful,  frá heimili sínu í Grímnesi í gærkvöldi, - til veikrar dóttur heima við.

Magnúsi til aðstoðar voru Vilhjálmur Guðjónssonar á gítar og Finnbogi bróðir hans á bassa. Sirrý, eiginkona Magnúsar tók lagið upp en lagið tileinkaði Margrét Gauja öllum þeim sem starfa í Covid teyminu á LSH.

Til gamans flettum við upp flutningi á þessu magnaða lagi og fundum upptöku frá minningartónleikum um Karl Sighvatsson. Magnús er þar á sviði með félögum sínum úr Trúbroti, Rúnari Júlíussyni heitnum og Gunnari Þórðarsyni, sem fagnaði 75 ára afmæli á dögunum. Þeir fara hér á kostum í þremur lögum Trúbrots.