Átti fyrst Plymouth 55 en dreymir um Tesla

Sigurbjörg Eiríksdóttir á Stafnesi myndi fara með gesti á Stafnesvita, Hvalsneskirkju og umhverfið en ef hún gæti hoppað upp í flugvél þá færi hún til Tælands. 

– Nafn:

Sigurbjörg Eiríksdóttir

– Árgangur:

1947

– Fjölskylduhagir:

Mamma, amma og langamma. Á mann, Gunnar B. Sigfússon, sextán barnabörn og 17. á leiðinni og fjögur langömmubörn.

– Búseta:

Heiðarbær í Stafneshverfi.

– Hverra manna ertu og hvar upp alin:

Foreldrar Eiríkur Eyleifsson og Jóna G. Arnbjörnsdóttir. Alin upp í Nýlendu í Stafneshverfi.

– Starf/nám:

Grunnskólinn í Sandgerði. Reykholt í Borgarfirði og MR. Lengst starfaði ég í Veitingadeild Flugleiða, síðar Icelandair. Sat í bæjarstjórn Sandgerðisbæjar í 12 ár.

– Hvað er í deiglunni?

Ferming hjá barnabarni og skreppa svo hringinn.

– Hvernig nemandi varstu í grunnskóla?

Ég var fyrirmyndarnemandi í grunnskóla.

– Hvernig voru framhaldsskólaárin?

Mjög gaman landsprófsveturinn minn í Reykholti. Fann mig ekki í MR.

– Hvað ætlaðir þú að verða þegar þú yrðir stór?

Man það nú ekki.

– Hver var fyrsti bíllinn þinn?

Plymouth 55.

– Hvernig bíl ertu á í dag?

Tívolí.

– Hver er draumabíllinn?

Tesla!

– Hvert var uppáhaldsleikfangið þitt þegar þú varst krakki?

Hjól.

– Besti ilmur sem þú finnur:

Nýslegið gras.

– Hvernig slakarðu á?

Við að lesa.

– Hver var uppáhaldstónlistin þín þegar þú varst u.þ.b. sautján ára?

Bítlarnir.

– Hvaða tónlist fær þig til að sperra eyrun þessa dagana?

Helgi Björns.

– Hvers konar tónlist var hlustað á á þínu heimili?

Allavega.

– Leikurðu á hljóðfæri?

Nei.

– Horfirðu mikið á sjónvarp og hvernig?

Frekar lítið.

– Hverju missirðu helst ekki af í sjónvarpinu?

Fréttunum.

– Besta kvikmyndin:

Mamma mia.

– Hver er uppáhaldsbókin þín og/eða rithöfundur?

Yrsa Sigurðar.

– Hvað gerir þú betur en allir aðrir á þínu heimili?

Elda mat.

– Hvert er snilldarverkið þitt í eldhúsinu?

Búa til mat úr því sem öðrum finnst ekki vera til í ískápnum.

– Hvernig er eggið best?

Linsoðið.

– Hvað fer mest í taugarnar á þér í fari þínu?

Að vera löt.

– Uppáhaldsmálsháttur eða tilvitnun:

Fegurð hefur ekkert með útlit að gera, heldur hvaða persónuleika þú hefur að geyma...og hvernig þú lætur öðrum líða.

– Hver er elsta minningin sem þú átt?

Þegar ég gisti hjá ömmu minni í Reykjavík fjögurra ára og var skíthrædd við ryksuguna.

– Orð eða frasi sem þú notar of mikið:

Nákvæmlega.

– Ef þú gætir farið til baka í tíma, hvert færirðu?

1964.

– Hver væri titillinn á ævisögu þinni?

Dulítið dettin.

– Þú vaknar einn morgun í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera?

Trump og hætta að vera slík persóna. Biðja hann að fara að ráðum Obama.

– Hvaða þremur persónum vildirðu bjóða í draumakvöldverð?

Mömmu og pabba og systkinum sem eru farin í Sumarlandið.

– Hvernig hefur þú verið að upplifa árið 2020 hingað til?

Frekar þungt ár.

– Er bjartsýni fyrir sumrinu?

Já.

– Hvað á að gera í sumar?

Fara í Meðallandið, Eskifjörð, Kópasker og Hvammstanga.

– Ef þú fengir gesti utan af landi sem hafa aldrei skoðað sig um á Suðurnesjum. Hvert myndir þú fara með þá fyrst og hvað myndir þú helst vilja sýna þeim?

Stafnesvita, Hvalsneskirkju og umhverfið.

– Ef þú gætir hoppað upp í flugvél og réðir hvert hún færi, þá færirðu ...

Tælands.