Rúmfatalagerinn 17.maí
Rúmfatalagerinn 17.maí

Mannlíf

Alltaf gott að fá góða steik
Laugardagur 1. maí 2021 kl. 07:07

Alltaf gott að fá góða steik

Páll Þorbjörnsson hlakkar til að sjá nýja uppbyggingu á Suðurnesjum og vill fá aðra matvörubúð í Grindavík

Grindvíkingurinn Páll Þorbjörnsson, fasteignasali var ekki lengi að svara spurningunni um það sem væri eftirminnilegast frá vetrinum sem er að líða. Auðvitað eru það jarðskjálftarnir. Honum stóð ekki á sama á tímabili.

Sólning
Sólning

– Hvað er efst í huga eftir veturinn?

Að fá súper sumarveður.

– Er eitthvað eftirminnilegt í persónulegu lífi frá vetrinum?

Þar sem ég er búsettur í Grindavík þá verð ég nú að nefna jarðskjálfta. Manni stóð ekki alltaf á sama.

– Hversu leiður ertu orðinn á Covid?

Þetta venst, leiður já, yfir því að við séum að fá upp smit.

– Ertu farin að gera einhver plön fyrir sumarið, ferðalög t.d. Ætlarðu til útlanda?

Planið er útlandaferð í haust og njóta Íslands í sumar.

– Hvað myndir þú gera ef heimurinn yrði Covid-frír í næstu viku?

Bóka ferð út, klárlega. Og hlakka til að sjá uppbyggingu aftur á Suðurnesjum.

– Uppáhaldsmatur á sumrin?

Það er alltaf gott að fá góða steik.

– Ertu mikill grillari? Hvað finnst þér best á grillið?

Svínið er oftast valið, lambið er ekki að heilla mig nema það sé fitulítið.

– Uppáhaldsdrykkur á sumrin?

Það fer allt eftir tíma sólarhrings.

– Hvert myndir þú fara með gest á Reykjanesinu (fyrir utan gosslóðir)?

Það er svo margt að skoða á Reykjanesinu frá Vígdísarvöllum og út á Reykjanestá. Ætli Gunnuhver væri ekki fyrir valinu.

– Hver var síðasta bók sem þú last?

Er ekki bókaormur.

– Hvaða lag er í uppáhaldi hjá þér núna?

Er eiginlega alæta, og ekki neitt eitt lag.

– Hvað viltu sjá gerast í þínu bæjarfélagi á þessu ári?

Klárlega að fjölga störfum, þá helst kvennastörfum, styrkja ferðaþjónustuna og eitt stk. matvörubúð.