Íþróttir

Reynir fékk hálfa milljón í afmælisgjöf
Magnús Stefánsson bæjarstjóri og Sveinn Hans Gíslason formaður.
Sólborg Guðbrandsdóttir
Sólborg Guðbrandsdóttir skrifar
föstudaginn 9. júlí 2021 kl. 07:51

Reynir fékk hálfa milljón í afmælisgjöf

Bæjarstjórn Suðurnesjabæjar afhenti körfuknattleiksdeild Reynis 500.000 krónur á dögunum en tilefnið var 40 ára afmæli deildarinnar á síðasta ári og árangur liðsins fyrr í vor þar sem það tryggði sér þátttökurétt í 1. deild á næsta leiktímabili.

Ákvörðunin um gjöfina var tekin á bæjarstjórnarfundi Suðurnesjabæjar þann 2. júní síðastliðinn en Magnús Stefánsson bæjarstjóri afhenti Sveini Hans Gíslasyni, formanni deildarinnar, bréf því til staðfestingar. Á Facebook-síðu körfuknattleiksdeildarinnar segir að glaðningurinn eigi eftir að koma sér vel í vetur og bæjarstjórninni þakkað fyrir.