Max Norhern Light
Max Norhern Light

Íþróttir

Reynir efst í þriðju deild
Reynismenn fagna. Þegar hlé er gert á Íslandsmótinu vegna hertra Covid-reglna eru þeir með fimm stiga forystu á toppi þriðju deildar karla í knattspyrnu. Ljósmynd úr safni Víkurfrétta.
Jóhann Páll Kristbjörnsson
Jóhann Páll Kristbjörnsson skrifar
fimmtudaginn 30. júlí 2020 kl. 22:48

Reynir efst í þriðju deild

Reynismenn náðu enn einum sigrinum rétt áður en tveggja vikna Covid-hlé hefst

Eins og koma fram í frétt okkar um leik Víðis og Völsungs hefur KSÍ frestað öllum leikjum í meistara- og 2. flokkum karla og kvenna næstu tvær vikur vegna hertra Covid-reglna.

Toppliðið mætir botnliðinu

Reynir lék í níundu umferð 3. deildar á Bessastaðavelli gegn Álftanesi. Fyrir leikinn var Reynir í efsta sæti en Álftanes í því neðsta, það átti ekki eftir að breytast.

Álftanes skorar tvisvar

Strax á 2. mínútu skoraði Hörður Sveinsson og kom Reyni yfir, Álftanes jafnaði hins vegar á 10. mínútu og þeir skoruðu svo aftur þremur mínútum síðar – þá reyndar í eigið mark og Reynir því aftur komið yfir.

Ante Marcik jók forystu Reynis í 3:1 á 20. mínútu og þannig stóðu leikar í hálfleik.

Rólegri síðari hálfleikur

Það var öllu rólegra yfir markaskorun í seinni hálfleik. Elton „Fufura“ Renato, sem byrjaði á bekknum, skoraði eina mark hálfleiksins og fjórða mark Reynismanna. Lokatölur 4:1 og Reynir hefur þægilega fimm stiga foryst á toppnum, þess ber þó að geta að næstu lið eiga lei til góða þar sem umferðin spilast ekk öll áður en hlé verður gert vegna Covid.