Bláa Lónið - 01apíl.
Bláa Lónið - 01apíl.

Íþróttir

Norðmaður í Njarðvíkurnar
Johannes í leik með norska landsliðinu gegn Íslandi árið 2018.
Miðvikudagur 5. ágúst 2020 kl. 10:56

Norðmaður í Njarðvíkurnar

Körfuknattleiksdeild Njarðvíkur hefur gengið frá samningum við tvo nýja leikmenn fyrir komandi leiktíð.

Johannes Dolven er 24 ára norskur landsliðsmaður er fyrsti Norðmaðurinn sem leikur í efstu deild á Íslandi. Johannes er 206 cm miðherji sem útskrifaðist úr Barry University í vor en þar skilaði hann 9.1 stigi og 7.1 frákasti að meðaltali í leik. Í Barry lék hann með Njarðvíkingnum Elvari Má Friðrikssyni tímabilið 2017-2018. Elvar Már mun leika í Litháen á næstu leiktíð, eins og VF greindi nýlega frá.

Public deli
Public deli

Ryan Montgomery er 22 ára Bandaríkjamaður. Hann er 198 cm og getur leikið báðar framherjastöðurnar. Hann útskrifaðist úr Lee University í vor en þeir eru í 2.deild NCAA eins og Barry. Ryan var með 18,1 stig, 5,9 fráköst, 1,5 stoðsendingu og 1,3 stolna bolta að meðaltali í leik á lokaári sínu með Lee University.