Íþróttir

Njarðvíkingar gera marga styrktarsamninga
Kristín Örlygsdóttir formaður KKD UMFN og Hjalti Már Brynjarsson eigandi og framkvæmdastjóri Grjótgarða ásamt fyrirliðum karla- og kvennliðs Njarðvíkur þeim Vilborgu Jónsdóttur og Loga Gunnarssyni.
Páll Ketilsson
Páll Ketilsson skrifar
fimmtudaginn 30. september 2021 kl. 07:07

Njarðvíkingar gera marga styrktarsamninga

Körfuknattleiksdeild Njarðvíkur með splunkunýtt bikarmeistaralið karla í fararbroddi hefur undirritað nýja auglýsinga- og styrktarsamninga við fyrirtæki á svæðinu að undanförnu. Njarðvíkingar byrjuðu sem kunnugt er með látum og léku til úrslita í karlaflokki og í undanúrslitum í VÍS bikarkeppninni nýlega.

Fyrirtækin sem UMFN skrifaði undir við eru Aðaltorg, Grjótgarðar, Samkaup/Nettó, IceMar og Rétturinn.

Á laugardag mætir Njarðvík ríkjandi Íslandsmeisturum Þórs úr Þorlákshöfn í „meistari meistaranna" en leikurinn fer fram kl. 19:15 í Þorlákshöfn.

Kristín, Gunnar og Teitur Örlygsbörn við undirritun nýs samstarfs- og styrktarsamnings IceMar og Körfuknattleiksdeildar Njarðvíkur.

Kristín Örlygsdóttir formaður KKD UMFN ásamt Ingibjörgu Ástu Halldórsdóttur markaðsstjóri Samkaupa og Halli Geir Heiðarssyni rekstrarstjóra Nettó.

Kristín formaður og Aðaltorgsfólkið: Ingvar Eyfjörð, Adam Calicki, Einar Þór Guðmundsson, Alexander Ragnarsson og Rósa Ingvarsdóttir.