Optical Studio
Optical Studio

Íþróttir

Njarðvík tapaði heima
Fimmtudagur 20. júní 2019 kl. 22:23

Njarðvík tapaði heima

Njarðvíkingar töpuðu í kvöld fyrir Aftureldingu í Inkasso-deildinni í knattspyrnu karla. Leikið var á Rafholtsvellinum í Njarðvík. Afturelding skoraði tvö mörk gegn engu hjá Njarðvík.

Gestirnir skoruðu fyrra mark sitt á 80. mínútu þegar Ásgeir Örn Arnþórs­son kom Aftureldingu yfir. Al­ex­and­er Aron Dav­ors­son innsiglaði svo sigur Aftureldingar með öðru marki fyrir gestina í uppbótartíma.

Njarðvík er í tíunda sæti deildarinnar með sjö stig. Afturelding er sæti ofar með níu stig.

Á laugardag fer Keflavík norður á Akureyri og mætir Þór í Inkasso-deildinni og á mánudag fá Njarðvíkingar Hauka í heimsókn til Reykjanesbæjar.

Keflavík er í dag í þriðja sæti deildarinnar með 13 stig. Þór er í öðru sæti með 15 stig en Fjölnir á toppnum með 16 stig. Leikurinn á laugardag er því mikilvægur leikur í baráttunni við toppinn í deildinni.

Myndirnar úr leiknum í kvöld tók Hilmar Bragi.

Ljósmyndastofa Oddgeirs
Ljósmyndastofa Oddgeirs