Blik í auga
Blik í auga

Íþróttir

Njarðvíkingar nálgast toppinn
Úr fyrri leik liðanna sem Njarðvík sigraði 2:1. Mynd úr safni Víkurfrétta.
Jóhann Páll Kristbjörnsson
Jóhann Páll Kristbjörnsson skrifar
sunnudaginn 6. september 2020 kl. 11:05

Njarðvíkingar nálgast toppinn

Í gær mættu Njarðvíkingar liði KF á útivelli í 2. deild karla og fóru með sigur af hólmi. Njarðvíkingar hafa verið á góðri siglingu undanfarið og vinna sig jafnt og þétt upp töfluna. Þeir eru nú í þriðja sæti, einu stigi á eftir toppliðunum, Kórdrengjum og Selfossi, sem leika í dag.

Það var Ivan Prskalo sem skoraði fyrsta mark Njarðvíkinga á 6. mínútu.

KF jafnaði leikinn á 29. mínútu en Prskalo kom Njarðvík aftur yfir á þeirri 35., tveimur mínútum síðar skoraði Bergþór Ingi Smarason þriðja mark Njarðvíkinga og staðan 3:1 í hálfleik.

Í síðari hálfleik minnkaði KF muninn í 3:2 (62') en markahrókurinn Kenneth Hogg tryggði sigurinn með marki á 78. mínútu. Lokatölur 4:2 fyrir Njarðvík.