Rúmfatalagerinn 17.maí
Rúmfatalagerinn 17.maí

Íþróttir

Mjög fáir hafa nýtt sérstakan styrk til íþrótta- og tómstundaiðkunar
Krakkar að glíma í júdó. Mynd af vefnum fristundir.is
Jóhann Páll Kristbjörnsson
Jóhann Páll Kristbjörnsson skrifar
mánudaginn 12. apríl 2021 kl. 20:25

Mjög fáir hafa nýtt sérstakan styrk til íþrótta- og tómstundaiðkunar

Félagsmálaráðuneytið opnaði í nóvember 2020 fyrir umsóknir á sérstökum íþrótta- og tómstundastyrkjum fyrir börn sem búa á tekjulægri heimilum. Markmiðið með þeim er að jafna tækifæri barnanna til þátttöku í skipulögðu íþrótta- og tómstundastarfi. Ásmundur Einar Daðason, félags- og barnamálaráðherra, kynnti aðgerðina síðasta vor og er hún hluti af aðgerðapakka sem ætlað er að veita mótvægi vegna þeirra áhrifa sem Covid-19 faraldurinn hefur haft á afkomu efnaminni heimila í landinu. Styrkirnir koma til viðbótar hefðbundnum íþrótta- og tómstundastyrkjum sveitarfélaga. Alls verður um 900 milljónum króna varið í verkefnið árin 2020 og 2021.

Á Facebook-síðunni Íþróttir- Tómstundir og Forvarnir í Reykjanesbæ kemur í dag fram að einungis 345 af þeim 889 sem eiga rétt á þessum íþrótta- og frístundastyrk fyrir tekjulægri heimili, að upphæð 45.000 kr. á hvert barn fætt á árunum 2005–2014, eru búin að nýta hann. Frestur til að sækja um styrkinn rennur út eftir þrjá daga, eða 15. apríl.

Sólning
Sólning

Hægt er að sækja um styrkinn á Ísland.is til og með 15. apríl.


Barn sem er ekki í skipulögðu frístundastarfi

Ef barnið þitt er ekki í skipulögðu íþrótta-, tómstunda- eða æskulýðsstarfi þá hvetjum við þig til fara inn á Frístundavef Reykjaness og kynna þér það fjölbreytta barnastarf sem boðið er upp á. Allir með! verkefnið hefur látið útbúa myndbönd sem finna má inni á síðunni þar sem allt frístundastarf er kynnt.


Ásmundur Einar Daðason, félags- og barnamálaráðherra, kynnti sér starf ungmennaráðs Reykjanesbæjar og unglingaráðs Fjörheima í félagsmiðstöðnni að Hafnargötu 88 fyrir skemmstu.