Bláa Lónið - 01apíl.
Bláa Lónið - 01apíl.

Íþróttir

Mikið fjör á krílamóti UMFN
Þriðjudagur 12. mars 2019 kl. 18:54

Mikið fjör á krílamóti UMFN

Það var líf og fjör á krílamóti júdódeildar UMFN sem haldið var í nýrri aðstöðu júdódeildarinnar.

Fjölmörg börn á aldrinum fjögurra til ellefu ára tóku þátt í mótinu. Öll börnin voru að stíga sín fyrstu skref í íþróttinni og skemmtu sér mjög vel.

Public deli
Public deli

Í lok móts voru börnin leyst út með verðlaunum og hrósi. Gaman að sjá hvað þjálfarar yngstu þátttakandanna, Jóel Helgi og Daníel Dagur, hafa unnið frábært starf með þessum hressu krökkum.

Stúlkur í sókn

Mikil aukning hefur verið hjá júdódeild UMFN undanfarin misseri. Það skemmtilegasta við þessa fjölgun er að svo virðist sem að mikil vakning sé í að stúlkur taki þátt í íþróttinni. Nú er svo komið að fjölgunin er svo mikil að þær hafa yfirtekið einn æfingahópinn og stofnaður hefur verið sérstakur stúlknahópur. Þessi hópur er skipaður stúlkum á aldrinum ellefu til sextán ára allsstaðar af Suðurnesjunum.

Þjálfarar hópsins, þau Guðmundur Stefán Gunnarsson og Heiðrún Fjóla Pálsdóttir, eru gríðarlega ánægð og segja að þessi hópur sé skipaður öflugum og sérlega efnilegum einstaklingum.