Liðbönd Arnórs Ingva illa farin eftir tæklingu
Liðbönd Arnórs Ingva Traustasonar, leikmanns Malmö í sænsku úrvalsdeildinni, eru illa farin eftir tæklingu Haris Radetinac í leik gegn Djurgården í sænsku deildinni í gær. Arnór Ingvi var borinn af leikvelli undir lok fyrri hálfleiks eftir ljóta tæklingu frá Radetinac.
Eftir myndatöku er komið í ljós að Arnór Ingvi er óbrotinn en liðbönd eru illa farin. Ekki er ljóst hversu lengi Arnór verður frá vegna meiðslanna.
Myndband af tæklingu Radetinac á Arnóri Ingva má sjá á vef Fotbollskanalen.
