Gunnar til Spánar

Gunnar Ólafsson, bakvörður körfuknattleiksliðs Keflavíkur og íslenska landsliðsins hefur samið við spænska félagið Oviedo Club Baloncesto til eins árs. Oviedo leikur í næst efstu deild á Spáni í Leb Oro deildinni.

Gunnar var einn af lykilmönnum Keflavíkur í Domino’s deildinni í fyrra og því er þetta mikill missir fyrir Keflavík en Gunnar gaf það út fyrr í sumar að hann ætlaði að reyna fyrir sér í atvinnumennsku.