Bláa Lónið - 01apíl.
Bláa Lónið - 01apíl.

Íþróttir

Guðlaugur hættur með Keflvíkinga
Eysteinn og Guðlaugur á Keflavíkurbekknum í síðasta leik þess síðarnefnda með Keflavík.
Þriðjudagur 10. júlí 2018 kl. 17:42

Guðlaugur hættur með Keflvíkinga

- Leit hafin að nýjum þjálfara. Eysteinn aðstoðarþjálfari stýrir liðinu tímabundið

Guðlaugur Baldursson og stjórn knattspyrnudeildar Keflavíkur hafa komist að samkomulagi um að verða við ósk Guðlaugs um að láta af störfum sem yfirþjálfari knattspyrnudeildar. Hann hefur nú þegar tilkynnt samstarfsmönnum um ákvörðun sína, en hún er tekin með hagsmuni liðsins að leiðarljósi.

Guðlaugur hefur óskað eftir að láta af störfum strax og hefur stjórn félagsins falið Eysteini Haukssyni aðstoðarþjálfara að stýra liðinu tímabundið þar til að ákvörðun hefur verið tekin um framhaldið. Honum til aðstoðar verður Ómar Jóhannsson.

Public deli
Public deli

Stjórn knattspyrnudeildar virðir ákvörðun Guðlaugs og mun strax vinda sér að því að taka ákvörðun um framhald þjálfunnar liðsins. Engin ákvörðun hefur verið tekin um það enn sem komið er.

Guðlaugur hefur gengt mikilvægu hlutverki í þjálfun liðsins frá haustinu 2016 og hefur meðal annars átt stóran þátt í að koma liðinu aftur í efstu deild, segir í frétt frá Knattspyrnudeild Keflavíkur.