Elías Már með þrennu
Keflvíski framherjjinn Elías Már Ómarsson heldur áfram að hrella markverði í hollensku B-deildinni í knattspyrnu. Hann gerði sér lítið fyrir og skoraði þrennu í 3:0 sigri á TOP Oss í kvöld.
Elías hefur verið iðinn við kolann í haust og hann er núna kominn með 13 mörk í deildinni og tvö í bikarnum.
Nú er spurning hvort Elías fari ekki að gera alvöru tilkall til sætis í landsliðinu?
