Optical Studio
Optical Studio

Fréttir

WOW-þotan má fara frá Keflavíkurflugvelli
Ritstjórn
Ritstjórn skrifar
miðvikudaginn 17. júlí 2019 kl. 11:30

WOW-þotan má fara frá Keflavíkurflugvelli

Héraðsdóm­ur Reykja­ness hefur úrskurðað að ALC, eig­andi Air­bus þotu sem WOW air var með á leigu fyr­ir gjaldþrot fé­lags­ins þyrfti aðeins að greiða þá upp­hæð sem væri tengd vél­inni en ekki all­ar skuld­ir annarra flug­véla á veg­um WOWair við Isa­via.

Eiganda vélarinnar er því heimilt að fjarlægja hana frá Keflavíkurflugvelli. Það mun taka einhvern tíma en undirbúningur þess er hafinn.

„Isavia lýsir furðu sinni með niðurstöðu Héraðsdóms Reykjaness í dag í máli ALC, sérstaklega í ljósi þess að hún er í miklu ósamræmi við fyrri umfjöllun Landsréttar um málið. Þar lýsti Landsréttur með mjög skýrum hætti skoðun æðra dómsstigs á túlkun lagaákvæðsins.

Þá teljum við verulega ámælisvert að beiðni um frestun réttaráhrifa sé hafnað í ljósi þeirra fjárhagslegu hagsmuna sem undir eru. Frestun réttaráhrifa hefði haft óveruleg áhrif á ALC en hefði tryggt eðlilega meðferð jafn mikilvægs máls fyrir æðra dómsstigi.

Með synjun Héraðsdóms Reykjaness á frestun réttaráhrifa er takmarkaður mjög möguleiki Isavia til að fá endanlegan úrskurð fyrir fjölskipuðum dómi,“ segir í yfirlýsingu frá Isavia.

Ljósmyndastofa Oddgeirs
Ljósmyndastofa Oddgeirs