Víkurfréttir aftur í prent

Víkurfréttir koma núna aftur út í prenti í fyrsta skipti síðan í lok mars síðastliðinn og er blaðinu dreift ókeypis í öllum sveitarfélögum á Suðurnesjum, m.a. í öllum verslunum Samkaupa; Nettó, Krambúðum og Kjörbúðum á Suðurnesjum. Blaðinu verður komið á dreifingarstaði á miðvikudagsmorgun.

Þetta er gert í tilraunaskyni á 40 ára útgáfuafmæli blaðsins og í þeim tilgangi að ná til þeirra sem hafa ekki tileinkað sér nógu mikið stafrænt umhverfi eða eiga ekki slík tæki.

Prentaða útgáfan af Víkurfréttum er 32 blaðsíður og í því er að finna úrval af efni sem hefur birst síðustu tvær vikur í stafrænni útgáfu en að megninu til splunkunýtt efni, viðtöl, fréttir og íþróttir.

Stafrænt blað er enn veglegra með fleiri viðtölum og meira efni en rúmast í prentaða blaðinu. Það má nálgast á Víkurfréttavefnum, vf.is, frá og með miðvikudagskvöldinu 26. ágúst.