Bláa Lónið - 01apíl.
Bláa Lónið - 01apíl.

Fréttir

Viðurkenndi sölu á hlaupböngsum sem innihéldu fíkniefni
Miðvikudagur 3. júní 2020 kl. 18:16

Viðurkenndi sölu á hlaupböngsum sem innihéldu fíkniefni

Lögreglan á Suðurnesjum handtók í gær íslenskan karlmann á fimmtugsaldri vegna gruns um að hann hefði selt hlaupbangsa sem innihéldu fíkniefni. Maðurinn játaði sök.

Eins og greint var frá á á fésbókarsíðu lögreglunnar á Suðurnesjum í síðasta mánuði veiktust tvær unglingsstúlkur hastarlega eftir að hafa borðað hlaupbangsa sem innihéldu kannabisefni og morfín. Hið meinta sælgæti höfðu þær þegið af ungum manni sem hafði keypt það af eldri manni.

Lögreglan gerði húsleit hjá manninum, sem handtekinn var í gær, að fenginni heimild. Þar fundust tól og tæki til fíkniefnaframleiðslu, þar á meðal á hlaupböngsum. Maðurinn játaði að hafa framleitt fíkniefni og selt þau um skeið. Hann hefur ekki komið við sögu lögreglu áður vegna fíkniefnamála.

Rannsókn málsins er á lokastigi.

Lögreglan minnir á fíkniefnasímann 800-5005. Í hann má hringja  til að koma á framfæri  upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.
Einnig er hægt að koma ábendingum á framfæri á Facebook - síðu lögreglunnar á Suðurnesjum: https://www.facebook.com/lss.abending/


Public deli
Public deli