Sandgerðisdagar
Sandgerðisdagar

Fréttir

Verkalýðsfélög til fundar á Keflavíkurflugvelli
Forsvarsmenn verkalýðsfélaga eru að fara á fund með stjórnendum Airport Associates fyrir hádegi. Þar starfa margir sem hafa þjónustað flugvélar WOW air.
Fimmtudagur 28. mars 2019 kl. 10:18

Verkalýðsfélög til fundar á Keflavíkurflugvelli

Forsvarsmenn Verkalýðs- og sjómannafélags Keflavíkur og nágrennis (VSFK) og Verslunarmannafélags Suðurnesja (VS) hafa verið boðaðir til fundar með flugþjónustufyrirtækinu Airport Associates fyrir hádegi. 
 
Mikil óvissa er hjá starfsmönnum sem m.a. unnu við afgreiðslu flugvéla WOW air. Margt af því fólki er félagsmenn í VSFK og VS. Fólk er þegar farið að leita til sinna verkalýðsfélaga með fyrirspurnir um næstu skref.
 
Guðbrandur Einarsson, formaður Verslunarmannafélags Suðurnesja, segir mikla óvissu í dag og erfitt að ráða í framtíðina. Hún ráðist m.a. að því hversu hratt önnur flugfélög bregðist við brotthvarfi WOW air af markaði. Ekki sé ljóst á þessari stundu hversu margir missi störf sín á Keflavíkurflugvelli við brotthvarf WOW air.
Ljósmyndastofa Oddgeirs
Ljósmyndastofa Oddgeirs