Umhverfisverðlaun Grindavíkurbæjar 2018 afhent

Umhverfisverðlaun Grindavíkurbæjar voru afhent í gær við hátíðlega athöfn. Var þetta í 22. skipti sem verðlaunin eru veitt, en jafnframt í fyrsta sinn síðan reglur voru settar um þau árið 2016.

 

Fjölmargar tilnefningar bárust um glæsilega garða að þessu sinni og hafði umhverfis- og ferðamálanefnd Grindavíkur ærið verk fyrir höndum þegar kom að því að vega og meta garðana. Vettvangsferð var farin í lok júlí, meðan garðarinar voru enn í fullum blóma. Að lokum voru það fjórir garðar sem þóttu skara fram úr að þessu sinni. Einnig var veitt ein viðurkenning til fyrirtækis fyrir snyrtilegt umhverfi.

 

Verðlaunagarðarnir í ár voru eftirfarandi:

 

Verðlaun fyrir fallegan og gróinn garð: Hraunbraut 2, Guðbjörg Sævarsdóttir og Sigfús Ægir Sigfússon

 

Verðlaun fyrir fallegan og gróinn garð: Norðurvör 10, Björn Birgisson og Ingibjörg Gunnlaugsdóttir

 

Verðlaun fyrir fallegan og gróinn garð: Selsvellir 20, Jónas Þórhallsson og Dröfn Vilmundardóttir

 

Verðlaun fyrir fallegan og gróinn garð: Skipastígur 14, Einar Guðjónsson og Ástrún Jónasdóttir.

 

Verðlaun fyrir snyrtilegt umhverfi fyrirtækis: Harbour View smáhýsin

 

Loftmyndir af görðunum tók Jón Steinar Sæmundsson fyrir Grindavíkurbæ.