Fréttir

Staðnir að verki í innbroti
Ritstjórn
Ritstjórn skrifar
þriðjudaginn 19. nóvember 2019 kl. 08:53

Staðnir að verki í innbroti

Tveir menn voru handteknir eftir að þeir voru staðnir að verki við að brjótast inn í íbúðarhús í Keflavík síðastliðinn föstudag. Þeir höfðu komist inn með því að spenna upp glugga með skóflu. Einnig hafði svalahurð verið spennt upp.

Lögreglan á Suðurnesjum handtók annan manninn á vettvangi þar sem hann var að bera þýfi út úr húsinu. Hann fleygði því frá sér þegar hann varð lögreglu var. Hann játaði sök. Við öryggisleit á honum fundust nær 100 þúsund krónur og voru þær haldlagðar vegna gruns um að um væri að ræða illa fengið fé.

Hinn maðurinn var handtekinn á höfuðborgarsvæðinu og játaði hann einnig sök.

Ljósmyndastofa Oddgeirs
Ljósmyndastofa Oddgeirs