Reykjanesbær mælir með Suðurnesjalínu 2 sem jarðstreng

Umhverfis- og skipulagsráð Reykjanesbæjar hefur samþykkt umsögn skipulagsfulltrúa fyrir hönd Reykjanesbæjar um Suðurnesjalínu 2 milli Hamraness í Hafnarfirði og Rauðamels í Grindavík á frummatsskýrslu frá því í maí 2019.

Gunnar Kr Ottósson skipulagsfulltrúi Reykjanesbæjar skrifar umsögnina en þar segir m.a.:

„Reykjanesbær leggur áherslu á að þó framkvæmdir sé nauðsynlegar þá valdi þær sem minnstum spjöllum og skerði eins takmarkað og unnt er ásýnd og náttúru landsins. Þess vegna mælir sveitafélagið með valkosti A jarðstrengur meðfram Suðurnesjalínu eða valkosti B jarðstrengur meðfram Reykjanesbraut. Núverandi lína er hógvær og lítt áberandi í landi en það er mat sveitafélagsins að með annarri línu og umfangsmeiri samhliða Suðurnesjalínu 1 verði áhrif á ásýnd landsins sterkari“.