Óska heimildar til stækkunar á safnaðarheimili

Njarðvíkurkirkja hefur óskað heimildar til stækkunar safnaðarheimilis í Innri-Njarðvík í samræmi við frumdrög JeES arkitekta og að heimilt verði að grenndarkynna áformin.

Í vinnslu er breyting á deiliskipulagi fyrir kirkjugarðinn í Innri-Njarðvík. Erindi Njarðvíkurkirkju er vísað til deiliskipulagsvinnunar. Í afgreiðslu umhverfis- og skipulagsráðs Reykjanesbæjar segir að skipulagsmörk verði stækkuð og safnaðarheimili Innri-Njarðvíkurkirkju verði hluti af deiliskipulagi fyrir kirkjugarðinn í Innri-Njarðvík.