Stilling Bílaþjónusta Suðurnesja
Stilling Bílaþjónusta Suðurnesja

Fréttir

Leggja vatnslögn ofanjarðar að Reykjanesvita
Bráðabirgðavatnslögn verður lögð að Reykjanesvita svo þar verði hægt að koma fyrir salernisaðstöðu strax í sumar.
Hilmar Bragi Bárðarson
Hilmar Bragi Bárðarson skrifar
mánudaginn 17. júní 2019 kl. 23:14

Leggja vatnslögn ofanjarðar að Reykjanesvita

Bæjarráð Reykjanesbæjar hefur samþykkt að veita allt að sex milljónum króna í lagningu bráðabirgðalagnar fyrir kalt vatn að Reykjanesvita. Bláa lónið er að fara í uppbyggingu þjónustumiðstöðvar við Reykjanesvita en forgangsmál er að koma upp salernisaðstöðu þar strax í sumar. Vatnslögn á svæðið er forsenda þjónustumiðstöðvar og vatnssalerna.

Verkfræðistofa Suðurnesja hefur tekið saman gögn fyrir Reykjanesbæ um bráðabirgðalögn sem er um 2,2 kílómetrar og verður lögð ofanjarðar frá vatnslögn sem liggur að eldisstöð Stolt Sea Farm á Reykjanesi. Lögnin mun sjá salernisaðstöðu ferðamanna og vitavarðarhúsinu á Reykjanesi fyrir köldu vatni. Lögnin mun samkvæmt gögnum verkfræðistofunnar kosta 3,7 milljónir króna án virðisaukaskatts.

Ljósmyndastofa Oddgeirs - Barna
Ljósmyndastofa Oddgeirs - Barna