Hólmfríður í efsta sæti VG í Suðurkjördæmi

Hólm­fríður Árna­dótt­ir, mennt­un­ar­fræðing­ur og skóla­stjóri Sand­gerðis­skóla, mun leiða lista Vinstri grænna í Suðurkjördæmi í komandi Alþingiskosningum. Hún varð efst á lista í forvali flokksins sem fram fór um helgina en úrslit voru kunngjörð nú undir kvöld.

Í samtali við Víkurfréttir sagðist hún vera gríðarlega ánægð með niðurstöðuna og þakklát fyrir stuðninginn. Hún var einnig glöð með árangur kvenna en konur hlutu kosningu í þrjú efstu sætin á listanum.

Niðurstaða for­vals­ins er eft­ir­far­andi:

sæti: Hólm­fríður Árna­dótt­ir með 165 at­kvæði.
sæti: Heiða Guðný Ásgeirs­dótt­ir með 188 at­kvæði í 1.-2. sæti.
sæti: Sigrún Birna Stein­ars­dótt­ir með 210 at­kvæði í 1.-3. sæti.
sæti: Kol­beinn Ótt­ars­son Proppé með 176 at­kvæði í 1.-4. sæti.
sæti: Helga Tryggva­dótt­ir með 264 at­kvæði í 1.-5. sæti.

Alls greiddu 456 at­kvæði í for­val­inu af þeim 671 sem voru á kjör­skrá. Kosn­ingaþátt­taka var því 68%. Sex seðlar voru auðir en enginn ógildur.

Sigrún Birna Stein­ars­dótt­ir, sem varð í 3. sæti, og Hólmfríður Árnadóttir, sem er sigurvegari forvals VG í Suðurkjördæmi. Hér eru þær í kvöld með Fagradalsfjall í baksýn. VF-mynd: Hilmar Bragi