Guðrún efst hjá sjálfstæðismönnum - Vilhjálmur annar
Guðrún Hafsteinsdóttir úr Hveragerði varð efst í prófkjöri Sjálfstæðisflokksins í Suðurkjördæmi en talningu lauk í nótt. Vilhjálmur Árnason úr Grindavík varð í 2. sæti og Ásmundur Friðriksson þriðji. Alls greiddu atkvæði 4.657 manns. Flokkurinn var með þrjú sæti eftir síðustu Alþingiskosningar.
Guðrún og Vilhjálmur buðu sig bæði í efsta sætið. Guðrún tók strax forystu með fyrstu tölum en ekki munaði miklu á frambjóðendunum en í lokin var markaðsstjóri Kjöríss með um 270 atkvæðum meira í oddvitasætið en þingmaðurinn úr Grindavík. Vilhjálmur var í 3. sæti í síðasta prófkjöri. Ásmundur bauð sig í 2. sætið en fékk það þriðja. Guðrún er nýliði.
Guðrún hlaut 2.183 atkvæði í fyrsta sæti
Vilhjálmur hlaut 2.652 atkvæði í 1.-2. sæti.
Ásmundur Friðriksson var með 2.278 atkvæði í 1.-3. sæti.
Björgvin Jóhannesson var með 2.843 atkvæði í 1.-4. sæti.
Ingveldur Anna Sigurðardóttir fékk 2.843 atkvæði í 1.-5. sæti.
Jarl Sigurgeirsson var með 2.109 atkvæði í 1.-6. sæti.