Gjöreyðilagðist í eldi - myndskeið
Bifreið gjöreyðilagðist í bruna í Innri Njarðvík í fyrrinótt. Slökkvilið Brunavarna Suðurnesja fékk útkall um klukkan hálf sex á mánudagsmorgun um að eldur logaði í ökutæki við Háseylu.
Þegar að var komið stóð ökutækið í björtu báli. Þó nokkrar sprengingar urðu í brunanum eins og sjá má og heyra í myndskeiði sem við fengum sent frá vettvangi brunans.