Geirfugladrangur skalf um helgina
Næstum eitthundrað jarðskjálftar urðu við Geirfuglasker og Geirfugladrang um helgina. Tveir skjálftanna urðu yfir 3 á Richter.
Stóru skjálftarnir tveir urðu aðfararnótt sunnudags kl. 04:58 og aftur kl. 05:14. Þeir voru báðir 3,1 stig og voru á 10-13 km. dýpi SV og SSV af Geirfugladrangi.
Þá mældust 28 skjálftar á stærðarbilinu 2-3 á Richter og mun fleiri minni skjálftar.
Geirfugladrangur er ekki langt frá Eldey. VF-mynd: Hilmar Bragi
