Stilling Bílaþjónusta Suðurnesja
Stilling Bílaþjónusta Suðurnesja

Fréttir

Fjórir skólar á Suðurnesjum fengu styrk til Forritara framtíðarinnar
Hressir krakkar í Sandgerðisskóla sem fékk styrk ásamt þremur öðrum skólum á Suðurnesjum.
Páll Ketilsson
Páll Ketilsson skrifar
föstudaginn 14. júní 2019 kl. 12:35

Fjórir skólar á Suðurnesjum fengu styrk til Forritara framtíðarinnar

Fjórir grunnskólar á Suðurnesjum fengu styrk til Forritara framtíðarinnar en tilgangur sjóðsins er að efla forritunar- og tæknimenntun í grunn- og framhaldsskólum landsins.

Skólar á Suðurnesjum sem fengu styrk eru Sandgerðisskóli, Holtaskóli, Háaleitisskóli og Njarðvíkurskóli í Reykjanesbæ.

Í ár styrkir sjóðurinn 30 skóla um sem nemur tæpum 12 milljónum króna að andvirði. Styrkur skiptast í tvo meginflokka, annars vegar tæpar 7,8 milljónir vegna námskeiða, námsefnisgerðar og kaupa á smærri tækjum í forritunar og tæknikennslu, og hins vegar rúmar 4,2 milljónir króna vegna tölvubúnaðar. Ljóst er að þörf skóla er mikil á þessu sviði því í ár var sótt um styrki sem í heild nema yfir 40 milljónum króna.

Sjóðurinn Forritarar framtíðarinnar er samfélagsverkefni sem hefur það hlutverk að efla forritunar- og tæknimenntun í grunn- og framhaldsskólum landsins. Hollvinir sjóðsins eru RB, Íslandsbanki, Landsbankinn, CCP, Icelandair, Össur, KOM ráðgjöf, Webmo design og Mennta- og menningarmála-ráðuneytið.

Ljósmyndastofa Oddgeirs - Barna
Ljósmyndastofa Oddgeirs - Barna