Bláa Lónið - 01apíl.
Bláa Lónið - 01apíl.

Fréttir

Engar lausar lóðir fyrir gistiheimili í Reykjanesbæ
Grunnmynd af fyrstu hæð gistiheimilisins. Teikning af vef Reykjanesbæjar.
Hilmar Bragi Bárðarson
Hilmar Bragi Bárðarson skrifar
þriðjudaginn 24. september 2019 kl. 17:44

Engar lausar lóðir fyrir gistiheimili í Reykjanesbæ

Engar lóðir liggja á lausu í Reykjanesbæ undir byggingu gistiheimilis. Þetta kemur fram í gögnum umhverfis- og skipulagsráðs Reykjanesbæjar, sem fundaði þann 20. september sl.
Þar var tekið fyrir erindi frá Árna Guðmundssyni sem er í félagi við þá Einar Halldórsson og Magnús Dalberg en þeir óska eftir lóð fyrir 550 fermetra gistiheimili með möguleika á stækkun.

Í erindinu er sagt að þeir séu tilbúnir að hefja framkvæmdir eins fljótt og auðið er ef rétta lóðin í verkefnið sé til staðar. Umsókninni fylgir svo teikning af 20 herbergja gistiheimili og sagt að æskilegt sé að hægt verði að tvöfalda herbergjafjölda ef vel gengur.

Public deli
Public deli