Börðust við skógarelda við Rósaselstjarnir
Slökkviliðsmenn Brunavarna Suðurnesja þurftu tvívegis að berjast við skógarelda við Rósaselstjarnir í Suðurnesjabæ í dag og í kvöld.
Eldur kom upp í skógræktinni við tjarnirnar í dag og svo tók hann sig aftur upp í kvöld. Nokkuð stórt svæði er brunnið. Eldurinn var aðallega í mosa og sinu inn á milli trjágróðurs.
Eldur brann í sömu skógrækt árið 2006 og komst sá skógareldur í alþjóðlegar fréttir.