Bjóða út viðgerðir á skemmdum eftir febrúarveðrið 2020

Skjólgarðar við hafnarmannvirki Reykjaneshafnar skemmdust í miklu óveðri sem gekk yfir landið þann 14. febrúar 2020. Útboðsgögn vegna fyrirhugaðs útboðs á viðgerðum vegna skemmdanna voru lögð fram á síðasta fundi hafnarstjórnar Reykjaneshafnar.

Bæjarbúar muna eflaust flestir eftir því tjóni sem varð við Ægisgötuna í Keflavík þegar stórgrýti skolaði langt upp á land í óveðrinu. Varnargarður við Njarðvíkurhöfn skemmdist einnig í þessu veðri.

Stjórn Reykjaneshafnar samþykkti fyrirliggjandi útboðsgögn á fundinum og heimilar að farið sé í útboð á grundvelli þeirra og var það samþykkt samhljóða.