Birgir Þórarinsson mun leiða lista Miðflokksins í Suðurkjördæmi

Tillaga uppstillinganefndar Miðflokksins um lista flokksins í Suðurkjördæmi til Alþingiskosninga 2021 var samþykktur á félagsfundi í gærkvöld með 93% atkvæða.

Birgir Þórarinsson er annar tveggja þingmanna Miðflokksins en athygli vekur að hinn þingmaður flokksins, Karl Gauti Hjaltason, er ekki á lista uppstillingarnefndar. Karl Gauti hafði sóst eftir að leiða listann en hann gekk til liðs við Miðflokkinn eftir Klaustursmálið svokallaða, Karl Gauti var áður í Flokki fólksins.

Framboðlisti Miðflokksins í Suðurkjördæmi er þannig skipaður:

1. Birgir Þórarinsson, Vogum Vatnsleysuströnd
2. Erna Bjarnadóttir, Hveragerði
3. Heiðbrá Ólafsdóttir, Rangárþingi eystra 
4. Guðni Hjörleifsson, Vestmannaeyjum
5. Ásdís Bjarnadóttir, Flúðum Hrunamannahreppi
6. Davíð Brár Unnarsson, Reykjanesbæ
7. Guðrún Jóhannsdóttir, Árborg
8. Gunnar Már Gunnarsson, Grindavík
9. Magnús Haraldsson, Hvolsvelli
10. Sigrún Þorsteinsdóttir, Reykjanesbæ
11. Bjarni Gunnólfsson, Reykjanesbæ
12. Ari Már Ólafsson, Árborg
13. Svana Sigurjónsdóttir, Kirkjubæjarklaustri
14. Hulda Kristín Smáradóttir, Grindavík
15. Hafþór Halldórsson, Vestmannaeyjum
16. Hrafnhildur Guðmundsdóttir, Þorlákshöfn
17. Sólveig Guðjónsdóttir, Árborg
18. Eggert Sigurbergsson, Reykjanesbæ
19. Elvar Eyvindsson, Rangárþingi eystra
20. Einar G. Harðarson, Árnessýslu