Bláa Lónið - 01apíl.
Bláa Lónið - 01apíl.

Fréttir

Bifreið brann til kaldra kola
Föstudagur 21. september 2018 kl. 10:32

Bifreið brann til kaldra kola

Tilkynning barst lögreglunni á Suðurnesjum um eld í kyrrstæðri og mannlausri bifreið í nágrenni Helguvíkur í gær. Hafði bifreiðin bilað og var því skilin eftir í vegkantinum. Brunavarnir Suðurnesja slökktu eldinn en bifreiðin er gjörónýt.
 
Þá hafa á annan tug ökumanna verið kærðir fyrir of hraðan akstur í umdæmi lögreglunnar það sem af er vikunni. Þrír þeirra mældust á 139 km hraða þar sem hámarkshraði er 90 km á klukkustund. Einn til viðbótar ók á 118 km hraða þar sem hámarkshraði er 70 km.
 
Fáeinir voru teknir úr umferð vegna gruns um að þeir ækju undir áhrifum fíkniefna eða áfengis. Nokkur umferðaróhöpp urðu, en ekki var um að ræða alvarleg slys á fólki.
Public deli
Public deli