Bæjarfulltrúar Miðflokksins í Reykjanesbæ og Grindavík með yfirlýsingu

„Bæjarfulltrúar Miðflokksins í Suðurkjördæmi harma þau niðrandi ummæli sem þingmenn Miðflokksins létu falla um samborgara sína og samstarfsfólk sitt þann 20. nóvember síðastliðinn á Klaustur Bar í Reykjavík og náðust á hljóðupptöku“. Þetta kemur fram í yfirlýsingu sem þau Hallfríður G. Hólmgrímsdóttir bæjarfulltrúi í Grindavík, Margrét Þórarinsdóttir bæjarfulltrúi í Reykjanesbæ og Tómas Ellert Tómasson bæjarfulltrúi í  Sveitarfélaginu Árborg hafa sent frá sér.

 

Þá segir: „Við vonum að þingflokkur Miðflokksins komist að ásættanlegri niðurstöðu á fundi sínum í dag fyrir almenning varðandi áframhaldandi þingmennsku þeirra þingmanna sem þarna áttu hlut að máli. Að öðrum kosti óskum við eftir flokkráðsfundi þar sem félagar Miðflokksins taka ákvörðun um framhaldið“.