Stuðlaberg Pósthússtræti

Fréttir

Atvinnustaða kvenna á Suðurnesjum slæm vegna Covid-19
Frá fundi bæjarstjórnar í Suðurnesjabæ. VF-mynd/pket.
Hilmar Bragi Bárðarson
Hilmar Bragi Bárðarson skrifar
fimmtudaginn 14. janúar 2021 kl. 15:11

Atvinnustaða kvenna á Suðurnesjum slæm vegna Covid-19

Bæjarstjórn Suðurnesjabæjar lýsir enn og aftur miklum áhyggjum vegna fjölda atvinnulausra einstaklinga í sveitarfélaginu og beinir því til stjórnvalda að leggja enn meiri áherslu á úrlausnir fyrir atvinnulífið og einstaklinga, í samstarfi við sveitarfélög og aðra aðila. Þetta kemur fram í afgreiðslu bæjarstjórnar á fundargerð fjölskyldu- og velferðarráðs bæjarins.

„Jafnframt er vakin athygli á þeirri staðreynd að mikið atvinnuleysi af völdum heimsfaraldurs kórónuveiru hefur mest áhrif á atvinnustöðu kvenna á Suðurnesjum, sem er mikið áhyggjuefni,“ segir í afgreiðslu bæjarstjórnar