Átján mánaða fái inni á leikskólum í Suðurnesjabæ

Inntökualdur barna í leikskólana Gefnarborg í Garði og og Sólborg í Sandgerði verður samræmdur í 18 mánaða frá og með ágúst 2019 og mótaðar verða nýjar og samræmdar innritunarreglur fyrir leikskóla í Suðurnesjabæ þar sem m.a. verði ákvæði um aðgengi að leikskólum milli hverfa. Innritunarreglur leikskóla voru samþykktar samhljóða á fundi bæjarstjórnar Suðurnesjabæjar á dögunum.

Þá verður lögð áhersla á að leita leiða til að efla dagforeldraþjónustu í Suðurnesjabæ og horft til þess að húsnæðið Skerjaborg að Stafnesvegi 15 verði nýtt fyrir slíka starfsemi.