Víkurfréttir á Netinu meðal vinsælustu vefsvæða landsins

Í hverjum mánuði eru flettingar á vefsíðu Víkurfrétta um 80.000 talsins og hefur umferð um vefinn verið að aukast með hverjum degi. Nú hafa Víkurfréttir ehf. gert samning við fyrirtækið Modernus ehf. um þátttöku í samræmdri vefmælingu, þar sem fram koma upplýsingar um gestafjölda og flettingar á vefsíðu Víkurfrétta, www.vf.is.Listinn er unninn með sjálfvirkum hætti beint úr gagnagrunni Modernus ehf. og birtur vikulega undir eftirliti Verslunarráðs Íslands eftir ítarlega skoðun.