Verslanir opnar til kl. 22 til jóla

Opnunartími flestra verslana í Reykjanesbæ er til kl. 22:00 fram til jóla. Á Þorláksmessu verður þó opið til 23:00 og á aðfangadag er opið kl. 09:00 til 12:00.

Á morgun, 17. desember og á laugardag mun jólahljómsveit Tónlistarskóla Reykjanesbæjar spila fyrir viðskiptavini verslana í miðbæ Keflavíkur milli kl. 15-17 og á sama tíma verða jólasveinar með sprell í miðbænum.

Gjafabréf Betri bæjar fást í Sparisjóðnum í Keflavík og eru sniðug jólagjöf fyrir þá sem eru í vanda með að finna réttu jólagjöfina. Gjafabréfin gilda í öllum verslunum í Reykjanesbæ.